Реномираната авијациска организација Скајтракс (Skytrax) го рангираше Меѓународниот Аеродром Скопје, управуван од ТАВ Македонија, подружница на ТАВ Аеродроми, меѓу најдобрите десет аеродроми во регионот на Источна Европа, во рамки на својата програма наречена Светски Аеродромски Награди (Skytrax World Airport Awards). Наградите кои Скајтракс ги доделува според гласовите на патниците, беа објавени на авијацискиот саем „Passenger Terminal Expo“ кој се одржа во Мадрид, Шпанија, каде што се собраа над 2.000 професионалци од авиоиндустријата, од повеќе од 120 земји во светот.

Најдобриот играч на Ливерпул, 32-годишниот Мохамед Салах, чиј договор со „Црвените“ истекува на 30 јуни, најверојатно ќе остане на „Енфилд“, објавија во четвртокот британските медиуми, додавајќи дека е постигнат позитивен напредок во преговорите за продолжување на соработката.

Мохамед Салах потпиша нов договор со Ливерпул, соопштија од клубот.

Министерството за внатрешни работи информираше дека единицата за економски криминал и корупција при СВР Скопје до Основното јавно обвинителство Скопје денеска поднесе кривични пријави против 43 лица кои со различни дејствија на компјутерски измами, фалсификување исправи и злоупотреба на лични податоци учествувале во повеќекратни измами на граѓани со „брзи кредити“.

Основното јавно обвинителство Скопје денеска поведе постапка против вкупно 43 лица кои со различни дејствија на компјутерски измами, фалсификување исправи и злоупотреба на лични податоци учествувале во повеќекратни измами на граѓани со „брзи кредити“, се вели во соопштението на ЈО За четворица од осомничените, меѓу кои и едно службено лице од Фондот за здравствено осигурување, е поведена истрага за кривични дела – Фалсификување исправа од член 378, Злоупотреба на лични податоци од член 149, Компјутерска измама од член 251-б од Кривичниот законик, додека останатите се опфатени во постапката со поединечни дејствија на помагање и соизвршителство во секој од случаите поединечно.

И денеска посебен сообраќаен режим во Скопје.

Од денеска до петок во официјална посета на Северна Македонија ќе присуствува Уршка Клакочар Зупанчиќ, претседател на Државниот збор на Словенија, поради што во Скопје ќе има посебен сообраќаен режим.

Словенија останува силен поддржувач на Македонија на нејзиниот евроинтеграциски пат, истакна на денешната заедничка прес-конференција претседателката на Државниот збор на Република Словенија Уршка Клакочар Зупанчич по средбата со претседателот на македонското Собрание Африм Гаши.

Нема повредени лица во пожарот што се случи претпладне во патничко возило во движење на ул. „Владимир Назор“ во близина на Клинички центар.