Советот на Народната банка донесе одлука за воведување нов модел на надоместици што банките ги плаќат за услугите на Македонскиот интербанкарски платен систем (МИПС). Со оваа промена, како што рече денеска гувернерот Трајко Славевски се воспоствува поедноставна и поконкурентна структура на тарифите, а тоа ќе овозможи пониски трошоци за електронските плаќања и ќе придонесе за поевтини услуги кон граѓанте и компаниите.

Советот на Народната банка донесе и одлука со која воведе тарифа за плаќањата на државните органи во евра со земјите од СЕПА во фиксен износ од 3 евра по трансакција за електронски иницираните налози и 5 евра за налозите иницирани на хартија.

Одлуката стапува во сила на 1 август по што се очекува дека банките ќе покажат разбирање за јавниот интерес и за придобивките за економијата во целина од едноставните, лесно достапни и евтини платежни услуги во државата.

„Како Народна Банка се разликуваме од банките во третманот на платниот систем.

Народна банка во консултација со другите институции ќе треба да го реши овој проблем.

Би сакале да ги насочиме нашите активности кон јасна дистинкција на она што значи кредитирање на граѓаните за решавање на станбено прашање, посебно на младите, од кредитирањето како инвестиција или во некој случај шпекулација во очекување на повисоки цени на становите.

Инаку податоците на Народната банка покажуваат дека за само три месеци од годинава, банките остварија профит од речиси 73 милиони евра.

Очекуваме смирување на инфлацијата и подготвени сме ако е потребно да преземеме соодветни мерки, не можеме сами, зашто има мерки од даночната политика и други, но го работиме тоа и наскоро ќе има информација, рече Славески, на новинарско прашање.

Новиот модел го поедноставува и ги намалува трошоците на банките за порамнување на трансакциите кај Народна банка, што создава простор за намалување и поедноставување на надоместоците што банките ги наплаќаат од граѓаните- рече Славески.

Според мерењата направени досега цените на недвижностите се високи.

Затоа што сме свесни дека станот или куќата во кои живееме може да стане место за шпекулација бидејќи состојбата каква што е може да предизвика социјални и економски проблеми – рече Славески.

Откако во мај годинава, НЛБ Банка официјално ја достави апликацијата до Европскиот платен совет за членство во СЕПА (SEPA – Single Euro Payments Area), со што стана и првата банка во земјава која го започна овој значаен процес, интензивно течат подготовките за техничка интеграција со системот.