Единаесетта година по ред, ТАВ Македонија учествува во хуманитарната акција „Подај рака” со која заедно со општина Илинден помага на луѓето кои живеат во околината на скопскиот аеродром Како дел од хуманитарната иницијатива „Подај рака“, а во пресрет на големиот христијански празник Велигден, ТАВ Македонија, подружница на ТАВ Аеродроми, денеска, 17-ти април, донира пакети со прехранбени производи и со хигиенски средства за 37 семејства од Општина Илинден, кои живеат во социјален ризик.

“Среќен сум што уште една година, во време кога солидарноста е поважна од кога и да било, можеме да направиме голема разлика во нечиј живот.

Аеродромскиот оператор на двата македонски аеродрома – Меѓународниот Аеродром Скопје и Аеродромот Свети Апостол Павле Охрид, продолжува со својата стратегија за поддршка на заедниците граѓани кои живеат во општините каде што работат двата аеродрома.