Индустриското производство во јули годинава е зголемено за 4,1 проценти во однос на јули лани, а за три проценти во периодот јануари – јули годинава споредено со истиот период од минатата година, објави денеска Државен завод за статистика. Најголемо влијание врз порастот на индустриското производство во јули 2025 година, во однос на јули 2024 година, имаат одделите за производство на електрична опрема со 15.3 проценти, на машини и уреди, неспоменати на друго место со 4,6 проценти и на моторни возила, приколки и полуприколки со 26.5 проценти.

Просечната каматна стапка на вкупните кредити, во јули годинава бележи месечно и годишно намалување од 0,12 п.п. (процентни поени) односно 0,55 п.п., и изнесува 4,91 проценти. Кај вкупните депозити, пак, во јули е регистрирана просечна каматна стапка од 2,21 процент со месечен и годишен раст од 0,01 п.п. односно 0,28 п.п., објави денеска Државниот завод за статистика.

Американски апелационен суд одлучи дека најголемиот дел од тарифите кои неодамна беа воведени од страна на претседателот на САД, Доналд Трамп, се нелегални. Во текот на неговиот мандат, Трамп ги направи тарифите клучен дел од американската надворешна политика, користејќи ги за политички притисок со цел да издејствува поповолни трговски услови со државите кои извезуваат во САД.

Апелацискиот суд на САД пресуди дека повеќето од царините што неодамна ги воведе американскиот претседател Доналд Трамп се нелегални, поткопувајќи ја неговата употреба на царините како клучно оружје во меѓународната економска политика. Трамп ги направи царините камен-темелник на надворешната политика на САД во својот втор мандат, користејќи ги за да изврши притисок врз земјите што извезуваат во САД да преговараат за поповолни трговски услови.

Од: А1он „Тоа што на граѓаните и на Македонија им треба е јасна политика, јасна визија на борба со аргументи, стекнување пријатели, објаснување на нашите аргументи… Нашата позиција како Влада ја знаете. Не треба да ја повторувам, така што тој тип на итроштини ќе ги оставиме во минатото, коешто е поразено.

Премиерот Христијан Мицкоски како итроштина на лидерот на СДСМ Венко Филипче го отфрли предлогот Собранието да донесе декларација за евроинтеграциите и прекинување на преговорите со ЕУ доколку добиеме ново вето од Бугарија. Според него, тоа што на граѓаните и на Македонија им треба е јасна политика, јасна визија на борба со аргументи, стекнување пријатели, објаснување на нашите аргументи.

Од: А1он Нашите деца загинаа затоа што системот потфрли, затоа што имало заштитници и соучесници во униформа, порачаа родителите и семејствата на денешниот 20. Марш на ангелите во Кочани пред зградата на Полициската станица. Тие побараа неселиктивна и транспарентна истрага, како и ОЈО ГОКК да објасни и да ја информира јавноста до каде е постапката со обвинителниот акт за вработените од МВР, за коишто како што велат „се сè уште на слобода, а не со третман каков што заслужуваат нивните постапки“.

Сите пожари во скопскиот регион се изгаснати или ставени под целосна контрола, информира директорот на Дирекцијата за заштита и спасување, Стојанче Ангелов. Пожари избиле на следните локации: Општина Сарај, с. Крушопек, кон падините на Водно била зафатена ниска вегетација и мешана шума, Општина Карпош кај спортската сала Борис Трајковски (ниска вегетација), Општина Гази Баба, с. Виниче и Црешево (ниска вегетација и мешана шума), Општина Бутел, кај последна 57 (ниска вегетација), Општина Гази Баба, с. Инџиково (трева и ниска вегетација). Денес попладне скопскиот регион беше зафатен со силно невреме проследено со силен ветер при што речиси истовремено избија повеќе пожари на отворен простор кои беа видливи од поголемиот дел на градот Скопје и предизвикаа вознемиреност помеѓу граѓаните, истакна Ангелов.