Популарниот рок бенд во поранешна Југославија, легендарните ,,Бјело дугме“, во 2022 година добија своја македонска верзија, откако група наши музичари го започнаа проектот „Бело Копче – Tribute Bijelo Dugme“. Освежувајќи ни ги емоциите токму како своевиден Tribute бенд, чии членови буквално не само што во тон ја симнале музиката на оние, кои веројатно биле и нивни идоли, туку се трудат и физички што повеќе да личат на оригиналните членови на Дугме.
И во изгледот со помош на мејкап, перики, разни маски и во облекувањето, но секако и во однесувањето на сцената, симнувајќи го секое движење, секој гест, секој изговорен збор на „главните јунаци“ од нивната рок ен рол приказна кои тие ги „глумат“ на сцената.