Францускиот град Марсеј и легендарниот стадион „Велодром“, официјално испратија допис до УЕФА, во кој се кандидираат за организација на финалето во Лигата на шампионите за сезоната 2026/27. Овој потег доаѓа откако УЕФА реши да ѝ ја одземе организацијата на Италија, односно на стадионот „Сан Сиро“ во Милано, затоа што на овој објект наскоро ќе започне голема реконструкција која ќе трае во следните три години.
Финалниот натпревар од елитната фудбалска Лига на шампиони нема да се одигра на миланскиот Сан Сиро во 2027 година како што првично беше планирано, официјално соопшти Европската фудбалска организација (УЕФА). По состанокот на Извршниот комитет на УЕФА во Прага, така одлучија челниците на европската чадор фудбалска организација, а како резултат на тоа, градот Милано не можеше да даде гаранција дека реновирањето на стадионот и неговата околина ќе се случи до тогаш.