По лошиот старт на сезоната, екипата на Милан и неговиот нов тренер Пауло Фонсека полека влегуваат во ритам и атакуваат на врвот на табелата во Серија А. Вечерва „росонерите“ го остварија третиот триумф во низа откако на домашен терен го совладаа Лече со 3-0. Се што беше важно на мечот се случи во период од само пет минути, од 38. до 43 кога Мората, Ернандез и Пулишиќ ги постигнаа головите за Милан и практично го решија прашањето околу победникот.