Словенечката министерка за дигитална трансформација, Емилија Стојменова-Дух, родена во Македонија, поднесе оставка поради силниот притисок од јавноста за неовластено користење сигнални светла на нејзиниот службен автомобил во Австрија.

Работите во светот „не одат во добра насока“, оцени денеска во Њујорк српскиот претседател Александар Вучиќ на крајот од шестдневниот престој во САД по повод заседанието на Генералното собрание на Обединетите нации.

Просечната плата во Србија годинава ќе достигне 900 евра што е за три пати повеќе отколку пред 10 години кажа претседателот Александар Вучиќ од Њујорк.

Вицепремиерот на Србија и министер за внатрешни работи Ивица Дачиќ зборувајќи за арсеналот на оружје пронајден вчера во гаража во Нов Белград, изјави дека тоа е „очигледно“ подготвувано за извршување на тешки кривични дела и дека е осомничена криминална група која тоа логистички го подготвувала и која дејствува и во странство, јави дописникот на МИА од Белград.

Српската полиција пронашла поголема количина оружје и мински експлозивни направи во гаража во Нов Белград, соопшти српскиот министер за внатрешни работи Ивица Дачиќ на 26 септември.

Специјалниот пратеник на ЕУ за дијалог меѓу Белград и Приштина, Мирослав Лајчак, соопшти дека со српскиот претседател Александар Вучиќ, на маргините на Генералното собрание на ОН (ГС на ОН) во Њујорк, детално разговарале за последните случувања во рамките на дијалогот и спроведувањето на Охридскиот договор, во светло на Планот за раст за Западен Балкан, јави дописникот на МИА од Белград.

Србија испрати протестно писмо до генералниот секретар на Обединетите нации и до претседателот на Генералното собрание на ОН, како одговор на говорот на претседавачот со Претседателството на Босна и Херцеговина, Денис Беќировиќ, пред оваа организација, во кој тој, како што се наведува, упатил низа неосновани и злонамерни обвинувања против Србија и српскиот народ, јави дописникот на МИА од Белград.