Условите за пребарување на теренот во Доња Јабланица денеска се нешто подобри, дождот престана да врне, па спасувачите со полн капацитет ја продолжуваат потрагата по настраданите од страшната поплава и одрон на ова место.

Спасувачките екипи ангажирани во атарот на селото Доња Јабланица во Босна и Херцеговина денеска пронајдоа уште две безживотни тела, со што вкупниот број на локални жители кои загинаа во катастрофалните поплави се искачи на 15. Сабахудин Спаховиќ, кој ги координира спасувачките операции Во име на Управата за цивилна заштита на Федерацијата на Босна и Херцеговина, изјави за медиумите дека до рано попладне, во урнатините биле пронајдени тела на маж и жена.

Бројни спасувачки екипи се активни во Доња Јабланица, место кое е меѓу најпогодените делови на Босна и Херцеговина од катастрофалните поплави.

Јасмин Чилиќ (38), поранешен фудбалер на БиХ второлигаш Клиса од Бутуровиќ загина со сопругата во разорните поплави што ја погодија Јабланица.

Брачниот пар Ирмела и Јасмин Чилиќ беа пронајдени во прегратка под урнатините по разорниот одрон и поплави во Босна и Херцеговина.

Во Долна Јабланица, местото кое е најпогодено од поплавите во БиХ, се појави ново свлечиште на магистралниот пат М-17. Патот е делумно оштетен, а возилата го заобиколуваат преку паркинг, јавува „Аваз“.

Министерот за европски прашања и главен преговарач со ЕУ Орхан Муртезани, вели дека Брисел не гледа со голем оптимизам за предлогот за уставни измени со одложено дејство, но не го отфрлува целосно.

Владата е во фаза на интерни разговори за изнаоѓање нови решенија во врска со евроинтеграциите на земјава, изјави на денешната прес-конференција министерот за европски прашања Орхан Муртезани.