Бугарија е целосно подготвена да потпише договор со Северна Македонија и да започне со изградба на прекуграничен железнички тунел вдолж Коридорот 8. Ова, како што пренесе БТА, го изјавил бугарскиот вицепремиер и министер за транспорт и врски Гроздан Караџов за време на вчерашниот работен појадок со амбасадорите од ЕУ и НАТО, посветен на напредокот на стратешкиот инфраструктурен проект.

Државниот завод за ревизија (ДЗР) денеска преку соопштение информира дека политичките партии кои заклучно со 30 март 2025 година се уште не ги поднеле сите или некои од финансиските извештаи за 2024 година итно да ги достават до нив.

Во интерес на обезбедување законитост, транспарентност и отчетност спрема граѓаните на Република Северна Македонија за трошењето на средствата обезбедени од Буџетот на Република Северна Македонија за финансирање на активностите од редовното работење на политичките партии регистрирани во земјата, од Државниот завод за ревизија укажуваат на потребата од навремено исполнување на обврските за редовно годишно финансиско известување од страна на сите сите политички партии односно: „Согласно 27-б од Законот за финансирање на политичките партии („Службен весник на Република Македонија“ бр. 76/04, 86/08, 161/08, 96/09, 148/11, 142/12, 23/13 и 140/18 и „Службен весник на Република Северна Македонија“ бр. 294/20) Министерот за правда по предлог на Државниот завод за ревизија донесува Одлука за запирање (суспензија) на исплатата на средствата за редовно годишно финансирање од Буџетот на Република Северна Македонија на политичките партии кои не поднеле финансиски извештаи во законски утврдените рокови, односно во случајот не поднеле Извештај од регистарот на примени донации, годишна сметка и/или годишен финансиски извештај согласно одредбите од член 25, член 26 и член 27 од истиот Закон, во случајот, за известувачката 2024 година.

Во денешното издание на Службен весник беше публикуван конкурс за номинирање на кандидати од Република Северна Македонија за позицијата судија во Европскиот суд за човекови права (ЕСЧП) во Стразбур.

Никој не може да и даде гаранции на Северна Македонија ако сега го смени Уставот, дека повеќе нема да има пречки на европскиот пат, изјави еврокомесарката за проширување Марта Кос во интервју за Европската новинска редакција (ЕНР) во одговор на прашање на МИА дали ЕУ и земјите членки можат да гарантираат дека по спроведување на уставните измени не би имало нови блокади поради билатерални прашања поврзани со идентитетот, јазикот или историја.

Од ЕВН Македонија АД информираа дека денеска без електрична енергија ќе останат дел од корисниците во општините Сарај, Аеродром, Кислеа Вода, Шорче Петров, Студеничани и Зелениково, како и во Центар.