Одржливиот развој во енергетскиот сектор не подразбира само усвојување на технологии за чиста енергија, туку и промовирање на енергетската ефикасност и намалување на нашата вкупна потрошувачка на енергија, заклучи министерката за енергетика, рударство и минерални суровини Сања Божиновска на отворањето на меѓународната конференција „Енергетика 2024“, што од денеска до петок се одржува во Струга во организација на Здружението на енергетичарите на Македонија (ЗЕМАК). Тоа, според неа, бара инвестиции во истражување и развој, како и соработнички напори меѓу владите, лидерите на индустријата и академските институции.

Парламентарната делегација предводена од претседателот на Собранието Африм Гаши, денеска ја продолжува посетата на Анкара, Турција.

Претседателот на македонското Собрание Африм Гаши, денеска во Анкара остварил средба со турскиот претседател Реџеп Тајип Ердоган, на која биле разменети мислења за унапредување на соработката меѓу Македонија и Република Турција, за состојбите во двете држави и за актуелните случувања во регионот и пошироко.

Министерот за европски прашања, Орхан Муртезани, денес оствари средба со новименуваниот амбасадор на Франција во Македонија, Кристоф Ле Риголер.

Министерот за европски прашања Орхан Муртезани, оствари средба со новоименуваниот амбасадор на Република Албанија во Република Македонија, Денион Мејдани, на која што беа разгледани прашања од заеднички интерес, вклучувајќи ја европската интеграција, билатералната соработка, Планот за раст на ЕК за Западен Балкан, како и значењето на ИПА проектите за двете земји.

Војната меѓу Иран и Израел ги прави земјава и регионот потенцијално ризични и затоа треба уште поинтензивно да имаме размена на информации со стратешките партнери – САД и НАТО, смета Марјан Ѓуровски, националниот координатор на Балканската безбедносна мрежа и носител на проектот за спречување на пролиферација на оружје за масовно уништување.

Во организација на Стејт департментот и регионалната иницијатива „Балканската безбедносна мрежа“ (БСН) денеска и утре во Скопје ќе се одржува конференција за влијанието на пролиферацијата на напредно конвенционално оружје (АКЦ) на регионалната и меѓународната безбедност, како и за стратегиите на соработка за зајакнување на контролата, намалување на зависноста и наоѓање одржливи алтернативи.