Зоолошката градина во Скопје ќе биде затворена 21 ден поради присуство на птичји грип, сепак градоначалничката на Град Скопје – Данела Арсовска назначи нов в.д. директор во оваа институција.

Министерот за здравство Арбен Таравари, одговарајќи на новинарско прашање за случајот со починатото 14-месечно бебе во Скопје, изјави дека добро е што Клиниката за педијатрија презема одреден чекор и изрази надеж оти „ќе се разбуди совеста кај менаџментот на болницата во Козле“.

Судењето за случајот „Организатори на 27 април“ е презакажано за 14 ноември годинава, откако изутрината обвинетите Спиро Ристовски, Трајко Вељаноски и Миле Јанакиевски, преку адвокатот Еленко Миланов поднесле барање до Основниот кривичен суд на денешното рочиште да одлучи по поднесокот за амнестија без да се изведуваат материјални и вербални докази.

СДСМ го поднесе Законот за зголемување на минималната плата во Собранието.

МВР информира дека вчера наутро во 08.20 часот во СВР Скопје било пријавено дека на ул. „7“ во село Батинци, скопско, автобус на ЈСП со скопски регистарски ознаки при тргнување удрил во А.Н.(55) од с. Драчевица, скопско.