Бурата Берт која што донесе снег, обилен дожд и силни ветрови во делови на Велика Британија, предизвика нарушување на сообраќајот и прекини во електричната енергија.

Адвокатот на Влатко Кешишов, Игор Ефремов, по денешното судење за убиствата на Вања Ѓорчевска и Панче Жежовски побара обвинителството да утврди како Љупчо Палевски Палчо успеал да му даде писмо на неговиот клиент, кое потоа го натерал да го препише и потпише.

Сведочење на вработен во „Safe city“ за двојното убиство на Вања и Панче, судењето продолжува на 16 декември, На денешното судење за двојното убиство на Вања Ѓорчевска и Панче Жежовски сведочеше Мирче Мирчевски, вработен во Министерството за внатрешни работи во одделот „Безбеден град“ („Safe city“). Тој изјави дека на 27 ноември, денот на исчезнувањето на Вања, вршеле пребарување на подрачје на град Скопје.

Велибор Манев ги однел полицајците до местото каде што бил закопан велешанецот Панче Жежовски, сведочи полицаец од интервентната полиција кој го спровел Манев од полициската станица Кисела Вода до местото каде што било закопано телото.

Изјавата не е моја, ми беше дадено ливче да биде напишано со мој ракопис и да ви го дадам, изјави обвинетиот Влатко Кешишов на денешното судење во случајот со убиството на Вања Ѓорчевска и Панче Жежовски во врска со изјавата во која тој наведува дека Палчо нема врска со убиството.

Дебарско-Кичевскиот Митрополит Тимотеј денеска ја загуби битката за живот и почина во болница.

Управата за финансиска полиција, до Oсновното јавно обвинителство Тетово поднела кривична пријава против Хисни Исмаили, поранешен министер за култура, поради постоење основано сомнение за сторено кривично дело несовесно работење во службата од член 353-в ст.1 и ст.2 од Кривичниот Законик.

Комплетиран е новиот состав на Комисијата за помилување, а за утре е предвидено да се одржи првата конститутивна седница, брифираат од Кабинетот на претседателката, Гордана Сиљановска Давкова.