Во рамки на програмата „Европската културна рута на Светите Кирил и Методиј“ која е под покровителство на Советот на Европа, во Скопје се одржува конференција „Европската рута на Светите Кирил и Методиј во културното наследство на Скопје и Скопско“ организирана од Институтот за македонска литература при УКИМ.

Новата сезона на Македонската филхармонија насловена „Одисеја“ започнува в четврток (10 октомври) о концертот насловен „Го славиме јубилејот“ на кој како солист ќе настапи нашата светски позната сопранистка Ана Дурловски, под диригентската палка на шеф – диригентот Јерухам Шаровски од Израел.

Со прикажување на кратки филмови, изложба, мјузикл и сè што сработија учесниците на фестивалот, вечерва во киното „Милениум“ во Скопје ќе биде спуштена завесата на 12. „Џифони Македонија“.

Во полната киносала во „Фросина“ во Младинскиот културен центар (МКЦ) вчера се одржа првата сесија од конференцијата Edu Cuts Talks во рамките на 12. „Џифони Македонија“.

Првиот македонски долгометражен анимиран филм „Јон Вардар против галаксијата“ ја имаше својата светска премиера на 57. издание на „Ситџес фантастик филм фестивал“, еден од најголемите жанровски фестивали во светот.

Министерот за европски прашања и главен преговарач со ЕУ Орхан Муртезани, вели дека Брисел не гледа со голем оптимизам за предлогот за уставни измени со одложено дејство, но не го отфрлува целосно.

Владата е во фаза на интерни разговори за изнаоѓање нови решенија во врска со евроинтеграциите на земјава, изјави на денешната прес-конференција министерот за европски прашања Орхан Муртезани.