Филхармонија, свесна за сето ова, не само што не побарала трансформација на мојот работен однос на неопределено време (со што тужбата би била повлечена веднаш и би се избегнале големите финансиски трошоци за институцијата во случај пресудата да биде во моја корист), туку наместо тоа побарала од Министерството за култура и туризам повторно продолжување со анекс договор на определено време.

Истовремено, не го предвидува моето работно место во планот за вработувања за 2025 година.

Одеднаш претставувам опасност по безбедноста на институцијата и зградата!

Каква е оваа небулоза?

Замислете, бара јас да продолжам да работам, но не ме планира во годишниот план за работни места.

„Кој и дали ќе одговара за мобинг во таа институција?

Во таа институција оставив ништо освен огромен труд и пожртвуваност, секогаш навремено извршувајќи ги задачите кои ми беа предвидени во опис на работното место и притоа за овие две и пол години никогаш ниту сум задоцнила, ниту сум побарала ослободување и ниту еднаш не сум користела боледување, но и извршувајќи многу други работи кои не ми беа во опис на работното место, но ги правев со огромна волја и љубов, како на пример: сум диригирала неколку концерти, еден од нив беше прогласен за најпродаван концерт и од него институцијата имаше заработка 11.000 евра (концертот со наслов ‘Севда’ по повод денот на вљубените во 2023 година) на кој се изведуваа мои аранжмани на 13 песни од Балканот, сум издала носач на звук – ЦД насловено по еден од најуспешните концерти на камерниот оркестар на Филармонија ‘Филхармоија во срцето’, сум оставила во нејзина сопственост многу аранжмани за различни ансамбли, сценарија за детски работилници и концерти – една од тие работилници беше ‘Магичниот диригент’, работилница која тогаш се распродаваше до последно столче (исто 2023) и своевремено беше ‘Гордост на Филхармонија’, како и многу други работи кои се со непроценлива вредност затоа што се од уметничка природа.

Неважно е што во таа зграда без специјални дозволи секојдневно слободно влегуваат, излегуваат, циркулираат (дури и паркираат возила) лица кои со години не се во работен однос во институцијата или никогаш не ни биле – важно е да се забрани влезот на Дијана.

Според Законот за работни односи, член 46, став 3, договорот за вработување на определено време може да се трансформира во работен однос на неопределено време ако работникот работи повеќе од две години на работното место кое е ослободено по основ на пензионирање или други основи и за кое се обезбедени финансиски средства, доколку работодавачот утврди дека има трајна потреба од работникот.

Зoшто на крај мораше да заврши со опомена пред тужба, зашто и покрај моето инсистирање, тие секој нареден пат вадеа списоци каде што не е моето име.

Моето име и презиме стоеја бедно напишани на жолто ливче, небаре сум криминалец или пак човек од безбедносен ризик кон истата таа институција во која ‘до вчера’ ги услужував сите вработени со нотен материјал и за која се вложив максимално – физички и емотивно.

Во изведбата учествуваше и Хорот на Македонската опера и балет, како и Хорот при Македонската радио-телевизија – велат од Филхармонијата.