На 12.04.2025 во 12.00 часот во СВР Скопје било пријавено дека на обиколница на град Скопје, кај клучка Радишани, се случила сообраќајна несреќа помеѓу патничко возило „фолксваген“ со скопски регистарски ознаки, управувано од Х.И.(55) од Скопје и товарно возило „мерцедес“ со скопски регистарски ознаки, управувано од С.И.(19) од село Гошинце, општина Липково, соопштија од полицијата.

Поради одржување улична трка (Авицена женска трка), претпладнево ќе има посебен режим на сообраќај околу булеварот Илинден во Скопје.

Одделението за безбедност на патниот сообраќај при СВР Скопје денеска од 12 до 16 часот спровело засилена сообраќајна контрола во Скопје во рамки на оперативната акција „Безбеден сообраќај”, при што во фокусот биле возачи на мотоцикли и велосипеди со помошен мотор.

На 13.04.2025 полициски службеници од Полициските станици за безбедност на патниот сообраќај Тетово и Гостивар при СВР Тетово извршиле контрола за пречекорување на максималната дозволена брзина на движење, при што биле констатирани 128 прекршоци (ТЕ-67 и ГВ-61). За време на контролата по член 297А – безобѕирно управување на моторно возило од слобода биле лишени седум лица (ТЕ-5 и ГВ-2). На автопатот Скопје-Тетово, кај наплатна станица Желино, од слобода бил лишен М.Б.(47) од с.Челопек, тетовско, затоа што управувал патничко возило „ровер“ со швајцарски национални ознаки со брзина од 178 км/час на место каде што дозволената брзина е 100км/час.

Со силна поддршка од јавноста, спортски дух и позитивна енергија, зад трговскиот центар Ист Гејт Мол се одржа настанот „100 дена до ЕМОФ“, со кој симболично започна финалното одбројување до стартот на ЕМОФ и беше означен влезот во финалната фаза на подготовките за Европскиот младински олимписки фестивал - ЕМОФ Скопје 2025, кој ќе се одржи од 20 до 26 јули.

ЕМОФ е првиот врвен европски мултиспортски настан наменет за млади спортисти на возраст од 14 до 18 години, со зимско и со летно издание.