Од страна на СВР Струмица – ОВР Гевгелија, до Основното јавно обвинителство Гевгелија поднесена е кривична пријава против Б.Ш., поранешен градоначалник кој се сомничи за „злоупотреба на службена положба и овластување“ по член 353 и „бесправно градење“ по член 244 – а од Кривичниот законик.

Петнаесетгодишник со мотоцикл вчера усмрти пешак во демирхисарско, објави МВР.

На 25.09.2024 во СВР Битола било пријавено дека во 20.15 часот на ул.„Битолска“ во Демир Хисар, мотоцикл со демирхисарски регистарски ознаки, управуван од 15 – годишник од с.Журче, демирхисарско, удрил во пешакот П.Л.(73) од Демир Хисар.

Полицијата извести дека вчера во 14.45 часот во СВР Охрид било пријавено дека на ул.„Јане Сандански“ возило „форд“ управувано од Н.С.(33) од Скопје, удрило во малолетен пешак од Охрид.

Вчера во 13.40 часот, на крстосница на булеварот „Јане Сандански“ со улицата „Галичица“ во Охрид, 60-годишниот З.Ц. од Охрид, управувајќи мопед „пежо“ со охридски регистарски ознаки, во обид да избегне директен судар со патничко возило, кое претекнувало друго возило, изгубил контрола и паднал на коловоз, извести СВР Охрид.

Единицата за финансиски криминал при Секторот за криминалистички истраги во Одделот за сузбивање на организиран и сериозен криминал до Основното јавно обвинителство за гонење на организиран криминал и корупција поднесе кривична пријава против правно лице од Стар Дојран и К.К.(72) од Скопје, сопственик и управител на правното лице поради постоење основи на сомнение за сторени кривични дела „перење пари и други приноси од казниво дело” по член 273 и „приредување на игри на среќа без лиценца, односно дозвола од надлежен орган” по член 156 од Закон за игрите на среќа и за забавните игри, против К.А.(57) од Дојран, М.К.(62) од Дојран и Ф.П.(51) од Скопје, сите вработени во правното лице, поради постоење основи на сомнение за сторено кривично дело „перење пари и други приноси од казниво дело” по член 273 во врска со член 22 „соизвршителство” од Кривичниот законик.

Вчеравечер во 23.20 часот во СВР Скопје било пријавено дека на бул.„Никола Карев“ во Скопје се случила сообраќајна несреќа помеѓу патничко возило „фолксваген поло“ со скопски регистарски ознаки, управувано од З.С.(27) од Скопје и автобус „ман“ со скопски регистарски ознаки, управуван од Т.М.(65) од село Стајковци, скопско, при што бил удрена и 26-годишната Е.Ф. од Скопје (пешак). Во несреќата со тешки телесни повреди се здобила Е.Ф., констатирани во Комплексот клиники „Мајка Тереза“ во Скопје.