ВМРО-ДПМНЕ: ДУИ откако е во опозиција ја смени песната, на власт не им чинеше балансерот, сега плачат по него со цел да дефокусираат.
Од ДУИ очекуваат зголемување на тензиите по укинувањето на балансерот за вработувања по етнички клуч.
Додека ДУИ беа дел од власта се согласија да се укине балансерот, сега само бараат причина за дестабилизација, прочитани се. ДУИ како власт во 2023 година учествуваше во изготвување на Стратегија за реформи во администрацијата 2023 – 2030 во која се нотира дека балансерот има бројни злоупотреби и истиот треба да се укине.
Поранешниот министер за економија и дел од највисокото раководство на сега опозициската ДУИ, Крешник Бектеши, не сака да го коментира образложението на претседателот на Уставниот суд, Дарко Костадиновски, за укинувањето на „балансерот“, бидејќи, како што вели, се знае од која провиниенција доаѓа.