Министерот за надворешни работи и надворешна трговија, Тимчо Муцунски, денеска изјави дека е готова нацрт верзија на Законот за надворешни работи, што наскоро ќе биде презентиран пред јавноста во редовна постапка и со кој ќе се зголемат надлежностите на овој ресор.
Говорејќи за активностите на Министерството за надворешни работи и надворешна трговија, министерот Муцунски на денешната трибина „100% за тебе“ насловена „Унапредување на дипломатијата и надворешната трговија, интеграцијата во ЕУ и дигиталната трансформација“, истакна дека во првите 100 дена фокусот во ресорот со кој тој раководи бил ставен на поставување на темелите на тоа што треба да се работи во делот на меѓународната политика, но и многу поважно на градење на стратешкиот пристап за понатамошното димензионирање на меѓународната политика.