Телеметриската сеизмолошка мрежа на Република Северна Македонија на сеизмолошките станици инсталирани во нашата територија, одржувани од Сеизмолошката опсерваторија при Природно-математичкиот факултет во Скопје, регистрира земјотрес, чиј епицентар се наоѓа на 132 km југоисточно од Скопје, во епицентралното подрачје Валандово, со Рихтерова локална магнитуда ML 3.0. Според досегашните податоци со кои располага Опсерваторијата, земјотресот е почувствуван во југоисточниот дел на државата со интензитет од III степени според Европската макросеизмичка скала.

МВР информира дека вчера во 17.40 часот во полициска станица од страна на 45-годишната Х.С. било пријавено дека се здобила со повреди откако еден час претходно во населбата Гоце Делчев, во нејзиниот дом пукнала плинска боца која ја повредила.

Пукна плинска боца приклучена со греалка, поради што скопјанка со изгореници е префрлена во болница.

Гледам показатели дека оваа Влада има подготвеност да оди напред во евроинтеграциите, ако за тоа има гаранции дека Бугарија нема да поставува нови барања и да го блокира натаму процесот, рече на средба со македонски новинари новиот известувач на Европскиот парламент за Македонија Томас Вајц, јави специјалниот известувач на МИА од Стразбур.

Покрај законското зголемување од 2.000 денари во март следната година, во буџетот има пари за зголемување на минималната плата и во декември, како што бара Синдикатот, изјави министерот за економија Бесар Дурмиши, кој вели дека сака минималната плата да се зголеми на 600 евра, но нагласи дека треба договор и законски измени и за барањето на Синдикатот минималната плата да биде 450 евра.

Во првата недела од декември ќе се одржи Економско-социјалниот совет на кој, според најавите на министерот за економија Бесар Дурмиши, ќе се разговара за зголемувањето на минималната плата.

Изјавите на Мицкоски за „деполитизирана и професионална администрација“ се ништо повеќе од празни зборови кои се целосно спротивни на реалноста што ја креира неговата Влада.

Претседателот на СДСМ, Венко Филипче вели дека има многу отворени прашања околу унгарскиот кредит и оти не е точно дека е со историски најниска каматна стапка.

Изјавите на Христијан Мицкоски, кој е очигледно разочаран од консолидацијата на СДСМ, се уште еден доказ за неговата лицемерна политика и стравот од силната опозиција која ја предводи нашата партија.

Претседателот на Социјалдемократскиот сојуз на Македонија, Венко Филипче, денеска на средбата со претседателката на Република Северна Македонија, Гордана Сиљановска Давкова изрази загриженост за ризикот од спојувањето на Агенцијата за национална безбедност со Агенцијата за разузнавање.