Шеснаесетгодишно девојче вчера околу 9.40 часот во семејниот дом во Пробиштип, по претходна расправија меѓу родителите, го нападнала и нанела убодна рана на својот 46-годишен татко, И.А. Случајот бил пријавен во полиција, а по добиената информација, екипа од Секторот за внатрешни работи (СВР)-Штип излезе на местото на настанот.

Вчера во 14.35 часот во Пробиштип, полициски службеници од ОВР Пробиштип ги лишиле од слобода С.А.(28) од Радовиш и М.Е.(40) од Штип, поради сомнение дека ден претходно извршиле две кривични дела „тешка кражба“ во продажни објекти во Пробиштип и Злетово, при што одзеле повеќе производи.

По кратко боледување денеска во Скопје во 42 година од животот почина новинарот Ѓорѓи Томиќ.

СВР Битола со соопштение во јавноста ги известува граѓаните и правните субјекти дека Отсекот за компјутерски криминал при СВР Битола во изминатиот период забележа зголемена активност на измамници, кои преку социјалните мрежи се претставуваат како „финансиски советници“ и најчесто нудат услуги за тргување со криптовалути или услуги за посредување при остварување на право на наследство од друга држава.

Јавното Обвинителство определи мерка притвор од осум дена за хиругот М.С.(64), вработен и на раководна позиција во ЈЗУ Клиничка болница-Битола.

Јавната здравствена установа Клиничка болница „Д-р Трифун Пановски“ се оградува од постапката на докторот кој е притворен заради примање на поткуп.

Општина Битола обезбеди средства со цел покривање патни трошоци до здравствени институции надвор од Битола и поддршка за надминување на секојдневните предизвици со кои се соочуваат лицата со ретки болести, а се наоѓаат во незавидна социјална и здравствена положба.

Обвинителството соопшти детали за возачот од Скопје кој ја усмрти 22-годишната Фросина Кулакова на „Партизански одреди“.

По бурните реакции во јавноста заради смртта на младата Фросина Кулакова, и барањето на јавноста да се објават податоци за младиот возач, за кој низ медиумите се проширија сведочења дека веќе имал криминално досие и дека се воделе судски постапки, утрово со детали се огласија од Основното јавно обивинителство.

Основното јавно обвинителство Скопје донесе Наредба за спроведување истражна постапка против едно лице осомничено за –Тешки дела против безбедноста на луѓето и имотот во сообраќајот од член 300 став 2 во врска со член 297 став 1 од Кривичниот законик.

Основното јавно обвинителство Скопје донесе наредба за спроведување истражна постапка против 20-годишното лице, кое вчера, како учесник во сообраќајот на вклучено црвено светло на семафор ја прегази Фросина Кулакова, која на обележан пешачки премин ја преминувала коловозната лента.