Денеска (18.06.) во СВР Велес, директорот на Бирото за јавна безбедност при МВР, Александар Јанев, одржа серија работни состаноци со раководството на овој Сектор за внатрешни работи, како и со претставници и одговорни лица од релевантни институции од областа на безбедноста во сообраќајот.

Вчера и денеска на армискиот полигон „Криволак,“ како и во седиштето на командата на Специјалната антитеростичка единица – Тигар, директорот на Бирото за јавна безбедност Александар Јанев присуствуваше на изведувањето на вежбовните активности на припадниците на единицата чие што реализирање беше организирано во рамки на повеќенеделната заедничка обука во која, покрај припадници на САЕ – Тигар, учествуваа и припадници од Баталјонот за специјални сили „Волци“ при Армијата на Република Северна Македонија, како и припадници на специјалните сили на Армијата на САД, познати како „Зелени Беретки“.

На 18.06.2025 во 10.00 часот на патот Прилеп-Крушево, кај место викано „Стопанство”, полициски службеници од ОВР Крушево го лишиле од слобода С.А.(20) од Скопје.

Полицијата уапси возачи во Штип и Берово затоа што управувале возило и мопед под дејство на алкохол.

Полициски службеници од СВР Штип и од ОВР Берово вчера ги лишиле од слобода Х.П. (32) од Штип и В.П. (39) од Пехчево бидејќи управувале возило и мопед под дејство на алкохол во концентрација од најмалку 1,50 г/кг во крвта.

Основното јавно обвинителство Скопје отвори кривична постапка против 32-годишен жител на Скопје, поради основано сомнение дека сторил кривично дело „Загрозување на безбедноста на сообраќајот“ согласно член 297 став 1 од Кривичниот законик.

Осомничениот, на 16 јуни во вечерните часови, под дејство на алкохол од 1.34 промили, управувал туѓ автомобил „Фолксваген пасат“ на улицата “Христо Татарчев” во Кисела Вода.

Одделот за внатрешна контрола, криминалистички истраги и професионални стандарди при Министерството за внатрешни работи, до Основното јавно обвинителство за гонење на организиран криминал и корупција, Специјализирано одделение за гонење на кривични дела сторени од лица со полициски овластувања и припадници на затворската полиција, поднесе кривична пријава против Р.Н. поради постоење основи на сомнение за сторено кривично дело „несовесно работење во службата“ по член 353-в од Кривичниот законик.