По наредба на премиерот Росен Жељазков, авион Спартан на бугарското воено воздухопловство отпатува за Македонија кој во бугарските болници ќе превезе пет лица тешко повредени во пожарот во градот Кочани, соопшти бугарската Влада.

Црвениот крст на Македонија соопшти дека со сите свои расположливи капацитети, во соработка со државните институции дава придонес во обезбедување на потребната поддршка за семејствата на настраданите во пожарот во дискотеката во Кочани, а отворени се и наменски телефонски линии за прва психолошка помош.

Коридорот 8 е национален приоритет за Бугарија, информира бугарското Министерство за транспорт и врски и нагласува дека „не ја одложило изградбата на пругата кон Република Македонија“.

Институтот за јавно здравје информираше дека претходниот месец евидентирани се 366 лица со овчи сипаници и 68 случаи на шуга и три на заразни заушки, „Во текот на февруари 2025 година, во Република Северна Македонија, пријавени сe вкупно 746 заболени лица од акутни заразни заболувања - без Ковид-19, грип, туберкулоза, СИДА, АФП и хронични носителства на хепатит Б и Ц и ХИВ, со вкупна инциденца од 40,6 на 100.000 жители.

Владата ја започна денешната седница со едноминутно молчење со што им оддаде почит на трагично загинатите во пожарот во Кочани.