Одговарајќи на новинарски прашања во врска со предлогот поднесен од пратеничката на СДСМ и поранешна министерка за одбрана, Славјанка Петровска, Меџити оцени дека на СДСМ „не му е грижа ниту за бранителите, ниту за УЧК, туку како да се спаси од одговорноста’. Меџити вели дека нема потреба за загриженост зашто законот нема да помине, а актуелната Влада „историски, од 90-тата година досега, има најстабилно мнозинство, 78 пратеници, близу две третини и има демократски и политички капацитет да ги решава проблемите во коалицијата“.