Премиерот Христијан Мицкоски да свика затворена собраниска седница за следните чекори за евроинтегративниот процес, повика вечерва лидерот на СДСМ, Венко Филипче, во интервју за ТВ 21. Доколку Мицкоски не го стори тоа, како што рече, тогаш на таква седница ќе иницира пратеничката група на СДСМ во Собранието, на која, додаде Филипче, владејачкото мнозинство ќе треба да објасни дали и каков план има за продолжување на евроинтеграцискиот процес.