ДУИ сами прифатија укинување на балансерот, сега наместо да манипулираат, да се реформираат, заради нив државата ја напуштија стотина илјади граѓани, истакна на денешната прес конференција Бране Петрушевски, пратеник на ВМРО-ДПМНЕ.
Поранешниот министре за економија и дел од највисокото раководство на сега опозициската ДУИ, Крешник Бектеши не сака да го коментира образложениот на претседателот на Уставниот суд, Дарко Костадиновски за укинувањето на „балансерот“, бидејќи, како што вели, се знае од која провиниенција доаѓа.
„Од кога граѓаните ги казнија на последните избори и ги испратија во опозиција по 20 години, `зелената` партија ДУИ, секојдневно глуми жртва пред граѓаните.
Додека ДУИ беа дел од власта се согласија да се укине балансерот, сега само бараат причина за дестабилизација, прочитани се. ДУИ како власт во 2023 година учествуваше во изготвување на Стратегија за реформи во администрацијата 2023 – 2030 во која се нотира дека балансерот има бројни злоупотреби и истиот треба да се укине.