Тоа може да се оствари само со една сеопфатна стратегија, која ќе го трасира патот за развој на државата, каде граѓанинот и неговиот интерес ќе бидат јадрото.

„Претседателот Христијан Мицкоски јасно кажува дека треба да се дефинираат приоритетите за развој на државата и тоа во повеќе области и да се одговори на повеќе предизвици, како демографски, економски, земјоделски, енергетски, транспортни и слично.

„СДС мора да ги сфати зборовите на претседателот Мицкоски кој на 23 октомври во средата кажа цитирам „ова е суштински период верувајте. ова е период од кој ќе се знае ќе не биде или не, знам дека звучи драматично, некому можеби ќе му звучи и патетично, но дали знаете дека ако сакаме да успееме, немаме избор освен да соработуваме и тоа мора да почне веднаш и сега“, затворен цитат.

Седум години ја запоставија Македонија, која не само што стагнираше, туку и назадуваше во одредени области.

Македонија има потреба од нова парадигма, која ќе ја внесе државата во новото време.

СДС да излезат од својата деструктивна матрица во која се затворени со години, и да покажат конструктивност и одговорност, затоа што потоа нема да имаат можност со ништо да се оправдаат пред идните генерации.

Визијата на претседателот Мицкоски за стратегија на државата до 2050 година ги опфаќа приоритетите на развој на државата, демографските предизвици, економските цели и како да се стигне до нив, земјоделски и технолошки развој, енергетски и транспортен развој, подобрување на животната средина, образование и здравство во тек со светските достигнувања.

Македонија не смее да биде заложник на нечии теснопартиски интереси, ниту пак да биде монета за поткусурување на нечии политички кариери.

ВМРО-ДПМНЕ многу јасно и недвосмислено подава рака за национално обединување и иницира подготовка на стратегија за државата до 2050 година, изјави на денешната прес-конференција Драган Ковачки, пратеник од редовите на ВМРО-ДПМНЕ.

Визијата на претседателот Христијан Мицкоски за стратегија на државата до 2050 година е столб кој мора да нè обедини како општество, рече на денешната прес-конференција Драган Ковачки, пратеник и член на ИК на ВМРО-ДПМНЕ.

Ракавицата од Мицкоски е фрлена кон СДС, велат од ВМРО-ДПМНЕ и додаваат: „Мицкоски потенцираше дека „мора да ги користиме знаењата на сите кои можат да помогнат, ние мора да се обединиме и да поставиме долгорочни цели за развој на државата“ и додаде „потоа ќе побарам широк партиски консензус за прифаќање на таа стратегија, на државата тоа и недостасуваше со години“.