Бегството на Артан Груби е очајнички обид и признавање на вина за случувањата во Лотарија, истакна вечерва потпретседателот на ВМРО-ДПМНЕ, Александар Николоски, во гостување во Дневникот на ТВ Сител.

СДС знаел за криминалот на Груби од црната листа и од Лотарија, не реагирале за да не падне владата.

Поранешниот премиер, а сега пратеник во Собранието, Димитар Ковачевски денеска изјави дека во целото негово работење и како премиер и како заменик-министер за финансии, се водел согласно законите, откако МВР поднесе кривична пријава против осум лица, вклучително и против него, за „злоупотреба на службената положба и овластување“.

По донесените решенија на Основниот кривичен суд Скопје со кое е определен притвор за двајца осомничени во истрагата за проневера во Државна лотарија, кои се недостапни на органите на прогонот, Основното јавно обвинителство Скопје вечерва до Министерството за внатрешни работи ќе издаде наредба за објава на национална потерница и изјава за распишување меѓународна потерница, соопшти ЈОРСМ.

Премиерот Христијан Мицкоски, спротивно на принципите на демократијата, сака да биде и истражител и обвинител, вели потпретседателката на опозицискиот СДСМ, Ана Чупеска.

Во случајов се чини дека власта не се бори против криминалот имајќи предвид дека Груби е избеган од една страна, од друга страна тоа е доволно добар сомнеж дека можеби ДПМНЕ работи за Груби, односно му направило некаква услуга тој да избега надвор од границите, рече потпретседателката на СДСМ, Ана Чупеска во Дневникот на Сител телевизија.

Основното јавно обвинителство Скопје информира дека за случајот со Државната лотарија постапува по поднесени кривични пријави и од Министерството за внатрешни работи и од Управата за финансиска полиција.

На четворица од осомничените во случајот „Лотарија“ им се одземени пасошите, а додека во текот на денот ќе се одлучи и дали за останатите осомничени кои се во бегство, поранешниот вицепремиер Артан Груби и екс директорот на Лотарија, Бајрами, ќе биде одреден притвор.

Кривичниот суд го прифатил предлогот на Основното јавно обвинителство и определи мерки за претпазливост за четири лица од случајот „Државна лотарија“,додека за поранешниот вицепремиер Артан Груби и поранешниот директор Перпарим Бајрами,кои не се во државата, дополнително ќе се одлучува дали ќе биде прифатен притвор.