Според него, каква било квалитетна законска рамка и да имаме, доколку, како што рече, не се почитуваат не може ништо да се спроведе.

Собранието на седницата во вторникот изгласа недоверба на петмината членови на Судскиот совет избрани од Собранието – Весна Дамева, Павлина Црвенковска, Миљазим Мустафа, Тања Чачарова-Илиевска и Селим Адеми.

Премиерот Христијан Мицкоски вчера на новинарско прашање кажа дека членовите на Судскиот совет треба да си покажат морална одговорност и да ги напуштат позициите.

Интерпелацијата е уставна категорија и вчерашната интерпелација која им беше изгласана на овие пет члена на Судскиот совет избрани од Собранието е многу сериозна работа и мора да биде сфатена сериозно, затоа што со истата се утврдува дека овие пет члена имале значителен придонес во загрозување на независноста на угледот на судството и судската власт, но и значителен придонес за намалување на довербата на граѓаните во судството“, рече заменик-министерот.