Министрите за внатрешни работи Панче Тошковски и Ивица Дачиќ денеска во Белград потпишаа договор меѓу Владите на Македонија и Србија за воспоставување заеднички контроли на граничниот премин за меѓународен патен сообраќај Табановце - Прешево кој треба да овозможи имплементација на вистински „One Stop“ систем со цел побрз транспорт на луѓе, повеќе трговија, туризам и пријателство меѓу двете држави.

Македонскиот раскол, благодарение на Божјата љубов и промисла е исцелен, па сега таму имаме браќа и сестри во потполната смисла на зборот, изјави српскиот патријарх Порфириј во интервју за рускиот теолошки портал „Богослов.ру“, дадено за време на неговата неодамнешна посета на Русија.

Посетата на претседателот на Советот на Европската Унија Антонио Кошта на Скопје следната недела, е уште еден силен сигнал на приоритетите на ЕУ. Фактот што го посетува Западен Балкан, тоа што доаѓа во Скопје, е доказ дека ние сме подготвени за проширување, вели во интервју за МИА полскиот амбасадор во земјава Мариуш Бримора, чија земја е актуелен претседавач со ЕУ. -Од моја перспектива, исто така можам да споменам дека нашиот премиер Доналд Туск, ќе го посети Скопје во следните неколку месеци и ова ќе биде уште еден сигнал дека ние се грижиме за Северна Македонија, дека ја поддржуваме државата, дека Претседателството, Советот на ЕУ го поддржуваат процесот на отворањето преговори и тоа е силен знак дека ќе чекаме одговор од македонска страна, нагласи амбасадорот.

Европската Унија се придружува на Украина и на меѓународните партнери, вклучувајќи ги и САД, во повикот за целосен и безусловен прекин на огнот од најмалку 30 дена, порача високата претставничка на ЕУ за надворешни работи и безбедносна политика Каја Калас во изјавата упатена во име на Унијата и уште пет други држави, меѓу кои и земјава.

Денес, 75 години по објавувањето на Шумановата декларација, Европа е повеќе од Унија, таа е наш дом и можеме да бидеме горди на неа, порача претседателката на Европската комисија, Урсула фон дер Лајен во видео порака по повод Денот на Европа.

„Европската Унија во Урсула фон дер Лајен има претседателка, која очигледно е толку безнадежна и која, уште повеќе, речиси секој втор национален ЕУ-лидер ја смета како наметлив измамник…! Но обидот за управување со ЕУ- со овој брод на будали, би претставувал тест за вештините дури и за најуспешните политичари!“, нагласува аналитичарот Џереми Ворнер во својот коментар, објавен во британскиот дневен весник „Дејли телеграф“ Низ сиот европски континент се шири вистинско цунами на жестоки критики и пројави на големо незадоволство поради потезите и начинот на кој претседателката на Европската комисија (ЕК), Урсула фон дер Лајен, еврокомесарките Каја Калас и Марта Кос и одделни други еврофункционери ги вршат своите функции во ЕУ. Да потсетиме, во вчерашниот број „Нова Македонија“ го цитиравме реномираниот швајцарски политички магазин „Велтвохе“, кој објави дека „во европските дипломатски кругови сè повеќе се зборува оти високи функционери на ЕУ ја сметаат Урсула фон дер Лајен како „токсична“, а нејзиното присуство во раководството на ЕУ како – штетно“.