Против поранешен директор на затворот во Струмица поднесена е кривична пријава поради злоупотреба на службената положба и овластување, соопштија денеска од Министерството за внатрешни работи (МВР). Четириесет годишниот Б.Ц. од Струмица, додаваат од МВР, во својство на поранешен вршител на должноста директор на затворот, во текот на 2021, 2022 и 2023 година на затворските полицајци им наредувал и им се заканувал, надвор од законските прописи, да ги ослободуваат од затвор осудените лица Л.К., Ѓ.В. и Г.Т.. Осудените лица, како што информираат од МВР, користеле погодности кои не им следувале и не биле присутни во затвор Струмица и по еден месец.

СВР Струмица до Основното јавно обвинителство Струмица, поднел кривична приjава против Б.Ц.(40) од Струмица поради постоење основи на сомнение за сторено кривично дело „злоупотреба на службена положба и овластување” по член 353 од Кривичниот законик.

Во Охрид тукушто започна заедничката седница на Владите на Република Македонија и на Унгарија, предводени од премиерите на двете држави, Христијан Мицкоски и Виктор Орбан.

Унгарскиот премиер Виктор Орбан заедно со делегација од унгарската Влада, денеска и утре ќе престојува во дводневна официјална посета на земјава.

Во врска со престојната посета на унгарскиот премиер Виктор Орбан на земјава, СВР – Охрид ги спроведува неопходните безбедносни мерки и активности за безбедно и непречено движење на делегацијата низ Охрид и околината.

Министерот за одбрана, Владо Мисајловски и Треша Гуенов, Главен заменик помошник на секретарот за одбрана на САД за меѓународни прашања, во Пентагон ги отворија Годишните Билатерални одбранбени консултации.

Пет пожари на отворен простор низ државава се евидентирани изминатото деноноќие, информираат утрово од Центарот за управување со кризи (ЦУК). Гореле стрништа, депонии, ѓубришта, сува трева и нискостеблеста вегетација, како и шума.

Засега ги исцрпуваме сите механизми кои ги нуди деловникот во Собранието, за да законот за бранителите стигне на расправа на соодветната Комисија.

Амбасадорите на државите членки на Европската унија вчера донесоа одлука Албанија да ги продолжи преговорите со Европската унија и да се раздвои од Северна Македонија на патот на евроинтеграциите.

Државата не е приватна своина на Мицкоски и нема право да ја блокира иднината на граѓаните, порача претседателот на Социјалдемократскиот сојуз на Македонија, Венко Филипче, во вечерашната емисија „Само интервју“, на телевизија Вели дека условите што треба да се исполнат за членството во ЕУ се јасни, прецизни и во ниту еден момент не ги загрозуваат националните интереси и идентитетот на државата.