Министерството за внатрешни работи е подготвено да одговори на секакви предизвици во иднина.

МВР жестоко ќе одговори на сите обиди за дестабилизација на Македонија.

Со Божествена литургија, со која чиноначалствуваше Архиепископот Oхридски и Mакедонски г.г. Стефан и македонското свештенство, денеска се одбележа еден век од осветувањето на црквата „Света Петка“ во скопската населба Црниче, која неодамна беше реновирана.

Градоначалникот Орце Ѓорѓиевски заедно со министерот за внатрешни работи Панче Тошковски присуствуваше на светата литургија по повод еден век од осветувањето на црквата Света Петка во Црниче.

Регионалниот центар за управување со кризи на Град Скопје, по добиеното известување од ЕВН, информира дека поради планирани зафати во електро дистрибутивната мрежа денеска без напојување со електрична енергија ќе останат: • Во период од 08:30 – 13:00 часот, дел од улицата Ѓорче Петров од бр.115 до бр.141 (општина Ѓорче Петров) • Во период од 08:30 – 12:00 часот, ОУ Тихомир Милошевски и дел од корисниците во Ново Село (општина Ѓорче Петров) • Во период од 08:30 – 15:30 часот, дел од ул.1 од Општина Сопиште патот кон Ракотинци.

Деца од Ѓорче Петров, кои во организација на училиштето во кое учат биле на екскурзија во рекреативнит центар Сарај каде биле нападнати од неколку лица.

Вчера во 15.30 часот во Полициската станица Ѓорче Петров, И.К. и Ј.Г., двајцата од Скопје, пријавиле дека нивните малолетни деца, додека биле на екскурзија во Спортско – рекреативниот центар Сарај, организирана од основно училиште од Скопје, биле физички нападнати од неколку лица, кои употребиле и метални предмети.

Седумдесет и двегодишна планинарка утрово е пронајдена на Шар Планина во реон на Љуботен без знаци на живот, соопшти Центарот за управување со кризи.

Регионалниот ЦУК Тетово, извести дека преку Единствениот повикувачки број за итни случаи 112 во 11.57 часот, вчера бил примен повик за исчезната повозрасна планинарка (72-годишна) на Шар Планина во реон на Љуботен, по што беше организирана потрага што продолжи и денеска од утрово, кога се раздени.