Градоначалникот на Општина Кисела Вода Орце Ѓорѓиевски денеска ја промовираше новата мерка „Кисела Вода – адреса за заеднички дом“ преку која брачните парови до 40-годишна возраст, кои немаат друг имот во своја сопственост, од Општината ќе добијат можност за ослободување од плаќање надомест за уредување на градежно земјиште.

Илустративно, за изградба на куќа од 100 квадратни метри во Црниче, младата брачна двојка би добила финансиско ослободување во износ од 6600 евра, додека во село Драчево, за истата квадратура, ослободувањето би било 5000 евра, рече Ѓорѓиевски на денешната прес-конференција.

Преку ослободувањето од плаќањето на комуналии, предвидено на ниво од 40 отсто за објекти во рамки на ГУП на Град Скопје и 100 отсто за објекти надвор од ГУП, нашата општина го олеснува патот кон изградба на сопствени домови за младите.

Тој се надева дека овој чекор ќе го следат и други општини, па и Град Скопје, кој доколку се откаже од 60-те проценти што во моментов ги зема како комуналии, би овозможил 100-процентно ослободување од плаќањето на надоместок за уредување на градежно земјиште и уште поповолни услови за младите лица што сакаат да оформат дом.

Преку проектот „Кисела Вода – адреса за заеднички дом’, брачните парови до 40-годишна возраст, коишто немаат друг имот во своја сопственост, од Општина Кисела Вода ќе добијат можност за делумно или целосно ослободување од плаќање на надоместок за уредување на градежно земјиште.

Со овој чекор ние придонесуваме за демографскиот развој на нашата држава, која се соочува со значајни предизвици во контекст на депопулацијата и одливот на млади и образовани луѓе.

„Кисела Вода – адреса за заеднички дом не е само мерка, туку и визија за заедничка изјави овој чекор ќе го следат и другите општини.

Оваа одлука вчера доби мнозинска поддршка од Советот на нашата општина, за што во овој момент сакам да упатам голема благодарност до советниците.

Она што е исто така сметам дека е важно да се истакне е дека преку „Кисела Вода – адреса за заеднички дом“, паралелно придонесуваме и кон поголема родова еднаквост во сферата на сопственост на недвижниот имот.

Условите за изградба на објекти со намена А1-Домување – односно куќи, се прилично едноставни: Инвеститори мора да бидат двата брачни другари, кои не се постари од 40 години, брачните другари да немаат друг објект во нивна сопственост и да не водат постапка за легализација на бесправно изградени објекти, проектот, како составен дел од документацијата за одобрение согласно закон, да содржи само една станбена единица и инвеститорите мора да склучат договор со општината дека објектот нема да го оттуѓуваат во рок од 10 години од денот на склучувањето на договорот, изјави градоначалникот на Општина Кисела Вода.

Условите за изградба на објекти со намена А1-Домување – односно куќи, се прилично едноставни: Инвеститори мора да бидат двата брачни другари, кои не се постари од 40 години, брачните другари да немаат друг објект во нивна сопственост и да не водат постапка за легализација на бесправно изградени објекти, проектот, како составен дел од документацијата за одобрение согласно закон, да содржи само една станбена единица и инвеститорите мора да склучат договор со општината дека објектот нема да го отуѓуваат во рок од 10 години од денот на склучувањето на договорот.