Според синоќешните најави, денеска се очекува да се нормализира автобускиот сообраќај во Скопје, откако вчера Владата донесе одлука на јавното сообраќајно претпријатие да му позајми нафта за следните седум дена од државните резерви.

Координаторите на советничките групи на Советот на Град Скопје, вечерва, на 15. вонредна седница постигнаа консензус и донесоа заклучок со којшто ја поздравија одлуката на Владата за позајмување на нафта од државните резерви за потребите на Јавното сообраќајно претпријатие (ЈСП) и побараа заедно во координација со ЗЕЛС, да продолжат разговорите со Град Скопје за нормализирање на состојбите во градот.

Приватните превозници Јофи Бус, Вестор Транс, Радос Компани денеска најавија прес-конференција на која ќе го изнесат нивното мислење за состојбата со јавниот превоз во Град Скопје, кој два дена беше во колапс.

Владата се вклучува во решавање на проблемот со јавниот превоз, дознава „360 степени“ од владини извори.

Постапката за јавна набавка на Еуродизел, објавена од страна на договорниот орган ЈСП беше предмет на управна контрола во Бирото за јавни набавки по сила на закон, соопштија од Бирото за јавни набавки.

Откако два дена скопјани мака мачат со автобусите на ЈСП, кои изостанаа од сообраќај поради недостиг на гориво, проблемот времено го реши Владата која дозволи гориво да се точи од државните резерви во следните седум дена, а од Град Скопје ја поздравија оваа одлука.

Ја поздравуваме одлуката на Владата, убаво е што Владата прифати една мерка од предложените решенија на СДСМ, добро е што заеднички се носат од полза на граѓаните, но советничката група на СДСМ бара Советот на Град Скопје да донесе Заклучок со којшто ќе се поддржат сите три предложени решенија, рече координаторката на Советничката група на СДСМ во Советот на град Скопје, Љубица Јанчева.

Советничката група на СДСМ во Советот на Град Скопје претпладнево на прес-конференција излезе со три конкретни предлози кои, како што велат, би ја решиле кризата во главниот град, откако таа кулминираше со тотален колапс во јавниот градски превоз.

Градот Скопје вечерва ја поздрави одлуката на Владата со која, како што наведуваат, конечно се докажа дека секогаш е подобро политика да се води со разум, а не со инает и дека доколку јавниот интерес е на прво место можно е конструктивно да се делува во интерес на граѓаните.

Од Град Скопје попладнево ја поздравија одлуката на Владата за обезбедување гориво за автобусите на ЈСП за следните седум дена.

„Со жалење констатираме дека Македонија повторно станува заробена режимска држава во која граѓаните се злоупотребуваат како потрошен материјал на политичките партии за наметнување на нивните манипулации.

Автобускиот сообраќај во Скопје денеска е нормализиран, потврди за МИА директорот на ЈСП „Скопје“, Драги Кушовски.

Градоначалникот на Шуто Оризари, Курто Дудуш денеска на протестот пред просториите на Град Скопје упати низа прашања до градоначалничката на Град Скопје, Данела Арсовска.

Пред канцелариите на Град Скопје попладнево се одржува протест поради состојбата со јавниот превоз и недостиг на автобуси во главниот град.