Премиерот Христијан Мицкоски соопшти дека има нова позиција по денешниот состанок на банките околу условите за пласирање на средствата од унгарскиот кредит за стопанството и оти се надева дека деновиве ќе има друга позиција, со цел бизнисот да добие што пониска каматна стапка.

Министерството за финансии имаше состаноци со секоја банка поединечно и денеска тие ќе имаат завршен состанок да ги додефинираат работите, за парите од унгарскиот заем, изјави министерката за финансии Гордана Димитриеска Кочоска, појаснувајќи дека се чека конечен одговор од банките за каматата што ќе биде понизок од 3,25 проценти, додека рокот останува и оти голем дел од банките кажале дека нема проблем за давање до три години грејс период и до 15 години отплата.

Просечниот годишен раст на јавниот долг во периодот од 2008 до 2024 година е 7 проценти и веќе надминува 60 проценти од БДП.

Судството е независно, ако судот пресуди дека треба да се вратат парите, ние не можеме да избегаме од тоа, вели министерката за финансии Гордана Димитриеска Кочоска, во однос на Законот за данок на солидарност, што доколку биде укинат од Уставниот суд би значело враќање на 49 милиони евра од Буџетот.

Претседателката на Република Северна Македонија, Гордана Сиљановска-Давкова, денеска оствари средба со Радмила Шекеринска, новоизбраната заменик-генерална секретарка на НАТО.

Претседателката Гордана Сиљановска Давкова информира дека утрово се слушнала со Радмила Шекеринска и договориле средба за во петок, за да може лично да и честита за изборот за заменик-генерал на НАТО.

Премиерот Христијан Мицкоски вечерва од Белград рече дека Владата е во фаза на анализа на проект за набавка на 100 до 120 електрични автобуси кои освен за Скопје, би биле распределени и во останатите градови во земјава во кои има јавен градски превоз.

По денешната собраниска седница на која за малку беше избегната физичка пресметка помеѓу пратеникот на Левица, Димитар Апасиев, и пратениците на ВМРО-ДПМНЕ попладнево со реакција и обвинувања се јавија нивните партиски колеги кои изнесоа различни видувања на инцидентот.

Најпрво како човек, а потоа како пратеник и координатор на пратеничка група во Собранието, сакам да изразам огромна згрозеност од денешното недолично, безобразно и срамно однесување во Собранието, на претседателот на Левица и пратеник, Димитар Апасиев, напиша на неговиот фејсбук профил Никола Мицевски, координатор на пратеничката група на ВМРО – ДПМНЕ.

Пратеникот и лидер на Левица, Димитар Апасиев на денешната собраниска седница најпрвин влезе во вербална расправија со пратеникот на ВМРО-ДПМНЕ, Зоранчо Јованчев, а потоа фрли и слушалки накај него и се обиде физички да се пресмета.