Министерот за економија и труд Бесар Дурмиши ја поддржа и ја охрабри Комисијата за заштита на конкуренцијата, која поведе прекршочна постапка против четири големи синџир-маркети и против Сојузот на стопанските комори за договарање цени.

Ја охрабрувам Комисијата за заштита на конкуренција да продолжи да врши контроли на ланци на маркети, рече денеска министерот за економија Бесар Дурмиши на прес-конференција, откако деновиве беше соопштено во јавноста дека неколку ланци на маркети, заеднички се договарале околу цени, спротивно на законот.

Потпишувањето на политичката декларација за основање на Совет за соработка на високо ниво помеѓу Турција и Северна Македонија е многу значаен чекор со кој ние можеме да ги подигнеме на уште повисоко ниво односите меѓу нашите две земји во трговијата и економијата.

Претседателот на Владата на Република Северна Македонија, Христијан Мицкоски денеска патува во посета на Република Турција, соопшти владината прес-служба.

Турција е државата со која имаме многу заеднички елементи во културата, традицијата, заеднички интереси и одлични односи на македонскиот и турскиот народ, на македонските граѓани и на турските граѓани, истакна премиерот Христијан Мицкоски, за време на својата прва официјална посета на Турција.

Денеска остварив средба со претседателот на Република Турција, Реџеп Таип Ердоган, на која ја потврдивме нашата заедничка посветеност за зајакнување на стратешкото партнерство меѓу двете земји, напиша премиерот Христијан Мицкоски, на неговиот Фејсбук профил.

Штип ќе биде дел од втората фаза на проектот „Безбеден град“ истакна при денешната посета во рамките на караванот на МВР „Од вас, за вас“, министерот за внатрешни работи, Панче Тошковски, кој одговараше на новинарско прашање, дали камерите кои ќе ги поставува општината низ градот, парковите, градинките и училиштата ќе се користат и од страна на МВР и ќе бидат дел од проектот „Безбеден град“.

Две лица кои извршувале службени функции во затворот КПУ Затвор Скопје се приведени во денешната акција на полицијата бидејќи за нив има сомневање дека незаконски им овозможувале на осудени лица да излегуваат од установата со полициска придружба до одредени локации каде останувале по 8 до 10 часа, по што исто така со полициско возоло и придружба биле враќани во затворот, информира министерот за внатрешни работи Панче Тошковски.

Во рамки на вчерашната акција, која е спроведена по наредба на судија на претходна постапка извршени се два претреса од страна на Министерството за внатрешни работи и од слобода се лишени две лица кои имале менаџерски функции во Затворот Скопје, изјави денеска министерот за внатрешни работи Панче Тошковски во текот на посетата на Штип.

Спикерот Африм Гаши разговара за нов Етички кодекс во Собранието.

Во првата половина на март би требало да се одржи седницата за петте интерпелации на членови на Судскиот совет кои се избрани од Собранието.

Од 1 март за 5,17 отсто се зголемува цената за потрошувачите на топлинска енергија на ЕСМ Енергетика, а за 5,25 отсто поскапува парното за корисниците на Скопје Север – Енерџи еколинк, одлучи денеска Регулаторната комисија за енергетика, водни услуги и услуги за управување со комунален отпад (РКЕ). Станува збор за вкупен конзум од 2,500 потрошувачи.