Владејачката ВМРО-ДПМНЕ преку соопштение до јавноста прашува дали првиот човек на СДСМ Филипче го поддржува поранешниот директор на Затворот Шутка, Филип Андов - Сокол, кој е осомничен во предмет кој го води ОЈОГОКК за пуштање затвореници да излегуваат од затворот.

Соопштение од СДСМ: Владата не прави ништо, го запре процесот на зголемување на платите, не прифаќа никакви предлози кои се во интерес на граѓаните за да се намалат цените и сметките за струја, граѓаните страдаат од нивната неспособност, рече претседателот на СДСМ, Венко Филипче во Крива Паланка.

Најстудено утрово е на Попова Шапка и Лазарополе, – 1 степен, а потопло е во Скопје – Петровец и Демир Капија, каде се измерени 8 степени целзиусови.

Променливо облачно, по одделни котлини со услови за појава на магла.

Перински оствари билатерална средба со Тибор Наврачич.

Во рамките на дводневната посета на унгарско-македонскиот владин самит, кој се одржува во Будимпешта, министерот за локална самоуправа, Златко Перински, оствари билатерална средба со Тибор Наврачич, министер за јавна администрација и регионален развој на Унгарија.

Унапредување на билатералните односи, трговската соработка, како и перспективите и предизвиците во процесот на нашата европска интеграција беа во фокусот на разговорите на средбата на министрите за надворешни работи на Македонија и на Унгарија Тимчо Муцунски и Петер Сијарто со која беше означен почетокот на владиниот самит на двете држави во Будимпешта, јави известувачот на МИА.

Секој што мисли дека може да се најде решение за војна и конфликт со гео-стратешки импликации без учество на Соединетите Американски Држави има несериозен и неискрен пристап кон конфликтот, изјави министерот за надворешни работи Тимчо Муцунски.

Дополнително зголемување на минималната плата за 6.000 денари, бара Сојузот на синдикатите на Македонија (ССМ). Ваквиот предлог денеска е доставен до Владата, Организацијата на работодавачите и пратениците, а ќе значи, како што беше речено на прес-конференција, дополнително зголемување на сите останати плати на работниците во земјава.