Со авион Ц-27 на грчкото воено воздухопловство од Скопје во Атина ќе бидат пренесени тројца повредени во пожарот во Кочани, кои ќе се лекуваат во грчката престолнина, објави грчката државна телевизија ЕРТ, јави дописничката на МИА од Атина.

Обвинителството вечерва соопшти дека распитот на градоначалникот на Кочани, Љупчо Папазов е завршен и дека дополнително ќе биде донесена одлука за неговиот натамошен статус во постапката.

Претседателот на СДСМ, Венко Филипче на прес-конференција апелираше до истражните органи редовно да известуваат за тоа што точно се прави за да се спречат шпекулации.

Претседателот на СДСМ, Венко Филипче изрази сочувство до семејствата и блиските на настраданите во страшната тагедија во Кочани.

„Ова е трагедија која ја потресе целата земја, остава трага која никогаш нема да се избрише“, изјави претседателот на СДСМ, Венко Филипче по големата трагедија во Кочани каде што во дискотеката „Пулс“ загинаа 59 лица.

Министерството за здравство ја информира јавноста дека медицинските тимови на здравствените установи и денеска се целосно ангажирани во обезбедување соодветна медицинска нега за сите пациенти.

Поранешниот министер за економија Крешник Бектеши ќе биде сослушан во Основниот суд во Кочани пред судија на претходна постапка, потврдија од ЈОРМС.

Адвокатот на поранешниот министер за економија Крешник Бектеши, кој од вчера е во полициската станица во Карпош, денеска во изјава за медиумите рече дека Бектеши бил повикан на информативен разговор и дека сам се јавил по што е побарано тој да биде задржан заради понатамошно проверки.