Согласно мерењата и набљудувањата на метеоролошките станици во земјава, месец март 2025 година се карактеризира како многу топол и просечно до натпросечно врнежлив, во споредба со многугодишните просечни вредности (1991/2020), соопшти УХМР.

Најниската минимална температура во текот на месецот е регистрирана во Лазарополе, на 19 март и изнесуваше -12,7 степени.

Највисоката максимална температура е измерена на 15 март во Битола и изнесуваше 28,8 степени.

Во март годинава, месечната сума на врнежи во државата изнесуваше од 36мм во Битола до 132мм во Маврово.

Управата за хидрометеоролошки работи информира дека согласно нивните мерења и набљудувањата на метеоролошките станици во земјава, месец март 2025 година се карактеризира како многу топол и просечно до натпросечно врнежлив, во споредба со многугодишните просечни вредности (1991/2020). Средномесечната температура се движеше од 3,9°Ц во Лазарополе до 11,3°Ц во Гевгелија.