Михалис Рокас, амбасадорот на Европската Унија во Северна Македонија денеска ќе ја посети општина Крива Паланка како дел од иницијативата за информирање на јавноста која има за цел да ја доближи ЕУ и процесот на интеграција на земјата до локалните граѓани.Посетата ќе почне со средби меѓу амбасадорот Рокас и градоначалникот Сашко Митовски, како и со Општинскиот совет.

Европските вредности се гледаат и во процесот на заедништво и зближување на народите од двете страни на границата преку партнерствата при имплементацијата на проекти од прекугранична соработка“, изјави Рокас, кој рече , следниот пат кога ќе ја посети Крива Паланка ќе одиграат баскет партија со градоначалникот на овој терен што е уреден во паркот.

Овие дискусии ќе се фокусираат на придобивките од пристапувањето во ЕУ и конкретното влијание на помошта од ЕУ врз секојдневниот живот во регионот.Попладнето, во 18 часот, предвидено е амбасадорот да присуствува на официјалното отворање на проектот „ПАРКОВИ“ (PARKS) финансиран од Интеррег ИПА програмата на ЕУ за прекугранична соработка помеѓу Бугарија и Северна Македонија, со кој на локација од околу 2000 метри квадратни уреден е нов урбан зелен парк кај комплексот згради до градскиот зелен пазар во Крива Паланка, за подобра и позелена, урбана општина.Проектот „ПАРКОВИ“ – Заштита на областите преку регионално знаење и одржливост е со вкупна вредност од околу 895.000 евра од кои 388.000 евра за Општина Крива Паланка како партнер 2, додека останатите се наменети за водечкиот партнер, Општина Дупница, Бугарија.

Ви благодариме за значајната поддршка, Вашето присуство овде денес е силна порака дека и малите градови и општини имаат големи причини за надеж и силни сојузници на патот кон ЕУ. Со поддршката од Европската Унија, преку Програмата за прекугранична соработка со Р.Бугарија, Општина Крива Паланка го покажува најдоброто лице на европските вредности, вредности што се гледаат, се ползуваат и се живеат.

Во рамки на проектот извршена е педологија на почвата, во тек е креирање на зелен катастар на урбаниот дел на градот, набавен и монтиран е сензор за мерење на квалитет на воздух, поставен на општинската зграда во Крива Паланка , а ќе се креира и предлог-листа на растенија и дрвца најадекватни за засадување на амбиенталните услови на двете општини.