Американските власти во вторникот ги засилија повиците до жителите на Флорида да се евакуираат пред пристигнувањето на Милтон, „исклучително опасен“ ураган што се очекува да ја погоди американска територија од среда до четврток, и кој може да биде „најлошата бура“ што го погодила полуостровот „во последните сто години”, предупредува претседателот Џо Бајден.
Ураганот Милтон од петта категорија денеска ќе го погоди регионот на заливот Тампа во Флорида, соопштија метеоролошките служби, а градоначалничката на Тампа Џејн Кастор ги предупреди жителите да ги слушаат властите и да се евакуираат.
Југоисточната американска сојузна држава Флорида денес се подготвува за пристигнување на моќниот ураган Милтон, со предупредувања за обилни дождови, силни ветришта и бранови опасни по живот.
Ураганот Милтон кој достигна јачина од петта категорија, се движи кон крајбрежјето на САД и се очекува да ја погоди Флорида, каде што милион луѓе се повикани да се евакуираат.