Не постои ништо што не можеме да го постигнеме заедно, рече Руте.
Тој посочи дека за време на неговиот мандат на чело НАТО ќе се посвети на три главни приоритети – обезбедување гаранции дека Алијансата ќе може да одговори на сите закани, поддршка на Украина во борбата против руската агресија и справување со растечките глобални предизвици поврзани со евроатлантската безбедност. Telma
Сојузниците во НАТО се соочуваат со сериозни предизвици и мора да работиме на справување со нив, согласно определбата за изградба на побезбеден свет за милијарда наши граѓани, порача новиот генерален секретар на Алијансата, Марк Руте, на прес-конференција во Брисел по неговото денешно стапување на должноста.
Моја обврска ќе биде да работам на спроведување на ова и на приспособување на нашата Алијанса на се покомплексниот свет. Biznisvesti
Во својот говор, Столтенберг се заблагодари за „напорот и соработката во изминатите 10 години“ и истакна дека „НАТО сега е поголем, посилен и поподготвен од кога било да се соочи со каков било предизвик“, како и дека „отпорноста и силата на НАТО не зависат од поединци, туку од колективот“.
Во седиштето на НАТО во Брисел денеска ќе се одржат низа настани за примопредавање. Libertas
За време на неговите повеќе од десет години на чело на НАТО, Столтенберг беше пофален за неговото мирно водство на понекогаш поделената Алијанса.
Норвежанецот помогна да се спречи американскиот претседател Доналд Трамп да му сврти грб, ја поддржа Украина со тоа што обезбеди НАТО да не биде директно вовлечен во војна со Русија и започна реформа на одбранбените капацитети на алијансата за да се соочи со Москва. Faktor
На прашање за руското „нуклеарно ѕвечкање“, тој ја омаловажи реториката на Кремљ: „Не гледаме непосредна закана од употреба на нуклеарно оружје“, рече тој.
И, конечно, на прашањето дали на Украина треба да ѝ се дозволи да користи западно оружје за да напаѓа длабоко во Русија, Руте елегантно го заобиколи прашањето велејќи дека „го разбира барањето на Украина“, дека Киев води војна за самоодбрана и дека според меѓународното право значи дека ви е дозволено да возвратите, но дека на крајот зависи од „секој сојузник да ја одреди својата поддршка за Украина“. Slobodnaevropa