Две куќи во сопственост на кандидатката за еврокомесарка за истражување и иновации, Екатерина Захариева и на нејзиниот сопруг Ангел Захариев, што се наоѓаат во Бугарија и Грција, предизвикаа посебен интерес кај европратениците, членови на Комитетот за правни прашања (ЈУРИ) на ЕП, кој во четвртокот почна со разгледување на доставените декларации за имотната состојба на кандидатите за членови на новата Европска комисија, јави дописникот на МИА од Брисел.

Две куќи на бугарскиот кандидат за еврокомесар Екатерина Захариева и нејзиниот сопруг Ангел Захариев во Бугарија и Грција предизвикаа интерес кај европратениците, дознава бугарската редакција на „Еурактив“ од извори од Европскиот парламент.

Српскиот вицепремиер и министер за внатрешни работи, Ивица Дачиќ, изјави дека по наредба на претседателот на државата, Александар Вучиќ, а согласно писмото на премиерот Милош Вучевиќ, Министерството за внатрешни работи ќе испрати 36 припадници на Тимот за спасување од Секторот за вонредни ситуации со 12 возила за помош во поплавите во Босна и Херцеговина, јави дописникот на МИА од Белград.

Во поплавите што ја зафатија Јабланица, во БиХ, загинале најмалку 14 лица, соопшти раководителот на Секторот за односи со јавноста, Дарко Јукан.

Најмалку пет лица загинаа во поплавите и свлечиштата што ја погодија населбата Јабланица на југот на Босна и Херцеговина, според засега неофицијални информации што ги објави „Дневни аваз“.

Министерот за одбрана на БиХ, Зукан Хелез, соопшти дека неофицијално добил информации за 20 загинати лица во поплавите и одроните во општина Јабланица, која се наоѓа на северот од Херцеговачко-неретванскиот кантон (ХНК) во Босна и Херцеговина.

Вчерашните поплави ги однесоа животите на 21 лице во Босна и Херцеговина.

Се одложува спроведувањето на локалните избори во општините во Босна и Херцеговина кои беа најпогодени од поплавите, одлучија денеска членовите на Централната изборна комисија, јави Хина.

Одржувањето на локалните избори во Босна и Херцеговина, планирани за недела, е доведено во прашање поради поплавите кои сериозно зафатија делови од земјата, но конечната одлука за евентуално одложување се уште не е донесена, изјави денеска претседателката на Централната изборна комисија на БиХ, Ирена Хаџиабдиќ.

Татко и неговиот син утрово храбро се бореле и успеале да спасат 10 луѓе од поплавите, а потоа поројот го одвлекол синот и го однел, јавуваат босанските медиуми за уште една трагична случка по поплавите што погодија населени места во пет општини и однесоа најмалку 20 животи.

По обилните врнежи од дожд кои во текот на ноќта зафатија поголем дел од Босна и Херцеговина и предизвикаа поплави во повеќе градови, почнаа да пристигнуваат и првите официјални потврди за евентуалните жртви.