Неколку номинирани и именувани функционери во идната администрација на новоизбраниот претседател на Соединетите Американски Држави, Доналд Трамп, биле цел на насилни закани, вклучително и закани со бомби, изјави денеска портпаролката на Трамп, Каролин Ливит.

Американскиот претседател во заминување Џозеф Бајден и првата дама Џил Бајден ќе присуствуваат на инаугурацијата на новоизбраниот претседател Доналд Трамп во јануари, изјави портпаролот на Белата куќа, Ендрју Бејтс.

Новоизбраниот претседател Доналд Трамп потпиша, по долго одложување, Меморандум за разбирање со Белата куќа, што ќе им овозможи на кандидатите за нови позиции да се сретнат со колегите во одделите и агенциите, пред јануарската транзиција на власта.

Кривичниот прогон против Доналд Трамп, кој беше обвинет за обид за поништување на резултатот од изборите во 2020 година, денеска беше прекинат откако обвинителството побара отфрлање на овој и друг случај против избраниот претседател, повикувајќи се на политиката на Министерството за правда која забранува кривично гонење на актуелен претседател.

Новата најава на американскиот претседател за прекин на огнот во Појасот Газа доаѓа доцна, но тоа е важен чекор, изјави денеска турскиот претседател Реџеп Таип Ердоган, јави Анадолија.

Турскиот претседател Реџеп Тајип Ердоган рече дека обрачот околу израелскиот премиер Бенјамин Нетанјаху се стега откако Меѓународниот кривичен суд (ICC) издаде налози за апсење.

Со САД разговараме на три нивоа што ги нуди статусот земја-членка на НАТО, за тоа како може Република Кипар да ги искористи овие можности, така што кога сè ќе биде на свое место, Република Кипар да може да стане членка на НАТО, изјави кипарскиот претседател Никос Христодулидис, јави дописничката на МИА од Атина.

Теоретските и практичните аспекти на планот за евентуално членство на Кипар во НАТО, кога тоа ќе го дозволат политичките услови, кипарскиот претседател Никос Христодулидис му ги претставил на својот американски колега Џо Бајден на нивната средба минатиот месец, објави грчкиот весник „Катимерини“.

Од Белата куќа синоќа го потврдија фактот дека Украинците добиле дозвола да користат американски ракети ATACMS за удари во руска територија.

Достапните здравствено осигурувања во САД, „Медикеар“ и „Медикејд“, од наскоро ќе опфаќаат и бесплатни лекови против зголемена телесна тежина, јавија синоќа од Белата куќа.