Во вториот бран експлозии во Либан загинаа најмалку девет лица, а повеќе од 300 се ранети, што ги подгреа стравувањата од сеопфатна војна на Блискиот Исток, јави Ал Џезира.
Еден ден откако илјадници членови на Хезболах беа ранети, а некои убиени, во Либан се пријавени неколку експлозии преку рачни радио станици, во кои се повредени повеќе од сто лица.
Либанската милитантна група Хезболах денеска соопшти дека ги нападнала израелските артилериски позиции со ракети, што е прв прекуграничен напад по серијата експлозии на пејџери во Либан во вторникот.
Хезболах вети дека ќе одговори на вчерашниот израелски напад во кој се убиени неколку луѓе и рани илјадници низ Либан, кога пејџери што припаѓаат на членови на групата поддржана од Иран експлодираа речиси истовремено, што откри масивен безбедносен пробив и ја покажа големината на израелското разузнавање, објави Си-Ен-Ен, пренесе МИА.