Според пратеникот од СДСМ, Фатмир Битиќи, задолжувањето од Унгарија е економско предавство, удар врз домашните компании.

Државата се доведува во ситуација со пари на граѓаните евентуално да финансираат странски фирми, наместо домашните.

Израелски цивил бил уапсен минатиот месец под сомнение дека бил регрутиран од Иран за да изврши атентат врз израелскиот премиер Бенјамин Нетанјаху, министерот за одбрана Јоав Галант или шефот на безбедносната служба Шин Бет, Ронен Бар, соопштија денеска Шин Бет и полицијата.

Повеќе од 20 жени обвиниja дека биле сексуално нападнати, а некои и силувани, од страна на Мохамед Ал-Фајед, поранешниот сопственик на прочуената лондонска стоковна куќа Харoдс, кој почина минатата година на 94-годишна возраст, јави Би-Би-Си. Во документарецот @Ал-Фајед: Предатор во Хародс", биле собрани докази дека компанијата помагала да се прикријат овие обвинувања.

Еден ден откако илјадници членови на Хезболах беа ранети, а некои убиени, во Либан се пријавени неколку експлозии преку рачни радио станици, во кои се повредени повеќе од сто лица.

Хезболах го обвини Израел за експлозиите на пејџери низ Либан во кои беа повредени близу 3.000 луѓе и се закани со одмазда.

Владата на Либан денеска го обвини Израел за серијата симултани експлозии на пејџери во кои според последните податоци загинаа најмалку девет лица, а 2.800 се ранети, јави Си-Ен-Ен. – Се работи за криминална израелска агресија, изјави либанскиот премиер Наџиб Микати на состанокот со министрите.

Хезболах вети дека ќе одговори на вчерашниот израелски напад во кој се убиени неколку луѓе и рани илјадници низ Либан, кога пејџери што припаѓаат на членови на групата поддржана од Иран експлодираа речиси истовремено, што откри масивен безбедносен пробив и ја покажа големината на израелското разузнавање.

Домови се евакуираат во северниот италијански регион Емилија-Ромања, откако бурата „Борис“, која од минатата недела усмрти најмалку 24 лица во централна и источна Европа, го зафати регионот, предизвикувајќи сериозни поплави и свлечишта.