Израелската армија и либанското шиитско движење „Хезболах“ и денеска продолжуваат меѓусебно да се гранатираат преку границата.
Министерството за здравство на Либан денеска соопшти дека три лица загинале во одделни израелски напади на југот на земјата, каде, како што рече Израел, мета биле цели на Хезболах.
Израелски борбени авиони синоќа бомбардираа цели на Хезболах во јужен Либан и погодија стотици ракетни фрлачи што беа подготвени за напади врз израелска територија.
Обединетите нации соопштија дека се „многу загрижени“ по израелскиот напад во кој беше убиен висок командант на Хезболах во либанскиот главен град Бејрут и ги повикаа сите страни да покажат „максимална воздржаност“.