Либанските медиуми известуваат за големи израелски воздушни напади во јужен Либан, како и длабоко во земјата во долината Бекаа.

Израелските одбранбени сили (ИДФ) ги предупредија жителите на јужен Либан да заминат од близина на локациите што ги користи милицијата на Хезболах пред „обемните, прецизни напади, против терористички цели, јави ДПА . „Наскоро, ИДФ ќе се вклучи во обемни, прецизни напади, против терористички цели кои се широко распространети низ Либан“, се наведува во објавата на ИДФ на Телеграм, што ја пренесува германската агенција.

Околу половина од околу стотината заложници кои припадниците на фракциите на палестинското милитантно движење Хамас ги држат во Појасот Газа од минатата година се сè уште живи, изјави израелскиот премиер Бенјамин Нетанјаху, пренесуваат израелските медиуми.

Две лица се ранети откако напаѓач вчера отворил оган во продавница во округот Обухив, Киевска област, јавија украинските медиуми.

Украинскиот претседател Володимир Зеленски синоќа пристигна во САД каде на американскиот претседател Џо Бајден ќе му ги претстави деталите од неговиот „план за победа“ со цел да се стави крај на руската инвазија, уверувајќи дека оваа есен ќе биде одлучувачка.

Украинскиот претседател Володимир Зеленски го повика својот американски колега Џо Бајден да и дозволи на Украина да изврши напади со долг дострел во Русија користејќи оружје доставено од САД и да обезбеди „место во историјата“ со „зајакнување на Украина“ пред да ја напушти функцијата.

Потпретседателката на САД, Камала Харис има поддршка од 50 отсто, додека поранешниот претседател Доналд Трамп има поддршка од 47 проценти во трката за претседателската функција, објави Си-Ен-Ен во својата анкета, која ја нарекува „анкета на сите анкети“.

Американската потпретседателка и кандидатка за претседател на Демократската партија Камала Харис ја прифати поканата на Си-Ен-Ен да учествува на дебата со републиканскиот противкандидат Доналд Трамп на 23 октомври, соопшти денеска нејзиниот изборен штаб.

Поранешниот американски претседател и републикански кандидат на претстојните избори во САД, Доналд Трамп изјави дека е „доцна“ за уште една претседателска дебата бидејќи Американците почнаа да гласаат на изборите.