Таа реалност е дека Хезболах го зеде Либан како заложник и дека ОН не го признаваат она што (Хезболах) го прави и повеќе не ги исполнуваат своите основни задачи: да ги спречат нападите на Хезболах и да бараат спроведување на резолуцијата 1701 на Советот за безбедност“ со што е ставен крај на војната меѓу Израел и либанското шиитско движење во 2006 година, напиша израелскиот министер за одбрана Јоав Галант на X. Гутереш претходно ги предупреди лидерите собрани во Њујорк на Генералното собрание на ОН дека „Либан е на работ на колапс“.
„Газа е ноќен кошмар кој се заканува да го вовлече целиот регион во хаос, израелскиот народ и целиот свет не смеат да дозволат Либан да стане уште една Газа“, рече шефот на ОН. Израелската армија синоќа објави дека либанскиот Хезболах истрелал околу 300 ракети во текот на денот на израелска територија, откако претходно соопшти дека израелската авијација ги гаѓала позициите на исламистичкото движење во Либан. Biznisvesti
Претходно, Израел соопшти дека убил командант на Хезболах во напад во Бејрут – Либан соопшти дека шест лица загинале, а 15 се повредени.
Израел вели дека има за цел да ја отстрани заканата од Хезболах и да ги врати раселените жители во северен Израел; Хезболах вели дека се спротивставува на израелската „агресија“ и делува во знак на солидарност со Палестинците во Газа. Telma