Европската комисија предложи од т.н. земјоделски резерви на ЕУ да се одвојат 119,7 милиони евра како директна поддршка за земјоделците од Бугарија, Германија, Естонија, Италија и Романија, кои беа погодени од исклучително неповолни климатски настани во текот на пролетта и почетокот на летото оваа година.
Според предлогот на ЕК, во знак на солидарност 10,9 милиони евра треба да и се доделат на Бугарија, 46,5 милиони евра на Германија, 3,3 милиони на Естонија, 37,4 милиони на Италија и 21,6 милиони евра на Романија, наменети за обештетување на земјоделците во овие земји кои претрпеа штети во своето производство и приходи како последица на временските непогоди. Kanal5
Средствата од помошта треба да им се дистрибуираат на засегнатите земјоделци најдоцна до 30 април 2025 година, при што мора да се води сметка да не се предизвика нарушување на принципите на конкурентност со прекумерна компензација.
Комисијата најави и дека дополнително ќе процени за евентуална исплата на помош и за земјоделците од други земји членки на ЕУ кои беа погодени од екстремните временски услови во втората половина на летото, како од поплавите во Австрија, Полска и Чешка и од сушата во Португалија. Biznisvesti
Од друга страна, делови на Германија во април беа зафатени од ниски температури и мраз, кои нанесоа значителни штети на виновата лоза, но и на овошките кои почнаа да цветаат во март по невообичаено високите температури за тој период од годината.
Естонија беше погодена од слични временски услови во текот на пролетта и од интензивни врнежи и поплави во првите недели од летото, што предизвика значителни штети на земјоделските култури, пред се компирите, маслодајната репка, овошјето и зеленчукот. Nezavisen